Бишкек, 25.09.25. Кыргыз Республикасынын Эмгек министри Канат Сагынбаев жана БУУнун Кыргызстандагы координатору Антье Граве эки тараптуу кызматташуунун артыкчылыктуу багыттарын жана келечегин талкуулашты. Жолугушууда жакырчылыкты кыскартуу, татыктуу иш менен камсыздоо, гендердик теңчилик жана социалдык коргоо сыяктуу туруктуу өнүгүү максаттарына жетүү боюнча аракеттерге өзгөчө көңүл бурулду.
🌍 Кыргыз Республикасынын эмгек, социалдык камсыздоо жана миграция министри Канат Сагынбаев Бириккен Улуттар Уюмунун Кыргызстандагы туруктуу координатору Антье Граве менен жолугушту.
🤝 Жолугушууда эки тараптуу кызматташуунун артыкчылыктуу багыттары жана анын мындан аркы өнүгүү келечеги талкууланды.
🎯 Тараптар жакырчылыкты кыскартуу, татыктуу жумушту камсыз кылуу, гендердик теңчилик, социалдык коргоо жана калктын аялуу катмарын колдоо боюнча Туруктуу өнүгүү максаттарына жетүү боюнча биргелешкен аракеттерге өзгөчө көңүл бурушту.
👨👩👧👦 Канат Сагынбаев министрлик жарандардын жыргалчылыгын жогорулатууга, аялдарды, жаштарды жана балдарды колдоого, үй-бүлө институтун бекемдөөгө жана балдардын укуктарын коргоого багытталган программаларды ишке ашырып жатканын белгиледи.
🔧 Антье Граве Эмгек министрлигин өлкө өкмөтү менен иштөөдө БУУнун негизги өнөктөшү деп баса белгилеп, Кыргызстанда социалдык өнүгүүгө жана «эч кимди көңүл сыртында калтырбоо» принцибин ишке ашырууга багытталган демилгелерди колдоого даяр экенин билдирди.