2025-жылдын 1-октябрынан тартып Кыргызстанда нотариалдык кызматтардын жаңы форматы — айрым нотариалдык аракеттерди алыстан жүргүзүү иштей баштайт. Бул жаңылык жарандарга жана юридикалык жактарга бир катар процедураларды нотариуска барбай эле онлайн тариздөөгө мүмкүндүк берет. Бул кызматтар өлкө ичинде эле эмес, чет өлкөдөгү кыргызстандыктар үчүн да жеткиликтүү болот.
📢 Кыргызстанда 2025-жылдын 1-октябрынан тартып нотариалдык кызматтардын жаңы форматы ишке кирет — айрым нотариалдык аракеттерди алыстан жүргүзүү мүмкүнчүлүгү.
🌐 Жарандар жана юридикалык жактар нотариуска жеке барбастан, онлайн түрүндө бир катар процедураларды аткара алышат.
👨👩👦 Эң көп талап кылынган аракеттерге төмөнкүлөр кирет: ата-энелердин, асырап алуучулардын, камкорчулардын же опекундардын жашы жете элек жаранды Кыргызстандан сыртка чыгаруусуна макулдугун тастыктоо.
🏠 Туруктуу жашаган жери боюнча каттоого макулдукту тастыктоо мүмкүнчүлүгү да бар.
🛂 Паспорт алууга макулдукту тастыктоо жана Кыргыз Республикасынын жарандыгын алууга же андан чыгууга макулдукту тастыктоо да онлайн жүргүзүлөт.
📑 Мамлекеттик транспорт каражаттарын жана айдоочулар курамын каттоо агенттигинде маалымкаттарды жана документтерди алуу үчүн ишеним каттарды тастыктоо (менчик укугун өткөрүп берүү укугусуз).
🚚 Мамлекеттик бажы кызматында жүктөрдү бажылык тариздөө үчүн ишеним каттарды тастыктоо (менчик укугун өткөрүп берүү укугусуз) да онлайн жүргүзүлөт.
🌍 Бул жаңы кызматтар өлкө ичинде гана эмес, чет өлкөдө жашаган кыргызстандыктар үчүн да жеткиликтүү болот.
🔄 Дистанциялык нотариалдык аракеттерди ишке киргизүү нотариалдык системанын реформасынын бир бөлүгү болуп саналат. Юстиция министрлиги процедураларды санариптештирүү жана жөнөкөйлөтүү аркылуу аларды мүмкүн болушунча ыңгайлуу жана ачык кылууга басым жасоодо.