Акман айылында Шамуратов Эрежеп атындагы көчө толугу менен оңдолуп, транспорт үчүн ыңгайлуу болуп калды. Жакында жол жээгине жарык берүүчү чырактар орнотулат.
🛣️ Акман айылынын борбордук көчөлөрүнүн бири оңдолуп, ал көчөгө колхоздо көп жылдар бою иштеген кадырлуу тургун Шамуратов Эрежептин ысымы ыйгарылды.
👷♂️ Шамуратов Эрежептин балдары өз каражаттарына көчөнү оңдоп-түзөө иштерин аткарышты. Буга чейин жолдун айрым бөлүктөрү таптакыр жараксыз абалда болгон жана жаан-чачындуу мезгилде жер тайгалагандыктан, айыл тургундары жөө же ат менен гана жүрүүгө аргасыз болушкан.
🚗 Жолдун жаңылануусу ар кандай транспорттун кыймылын жеңилдетип, айыл тургундарын ыңгайсыздыктан арылтты.
💡 Шамуратов Эрежептин небереси Байказы Айтикул уулу, жакынкы күндөрү жолдун боюна күчтүү лампалар менен жабдылган чырактар орнотуларын, бул түнкүсүн жолду жарык кылып, кошумча коопсуздук жана ыңгайлуулук камсыз кыларын билдирди.