Бишкек шаарында "Береке" курулуш компаниясынын директору жана мурдагы Жогорку Кеңеш депутаты С.У.Ч. алдамчылык боюнча кармалды. Ал Ош шаарында көп кабаттуу үй куруу максатында берилген жер тилкесин мыйзамсыз өз компаниясына каттаткан.
🔍 Улуттук коопсуздук боюнча мамлекеттик комитет “Береке” курулуш компаниясынын директору жана Кыргызстандын Жогорку Кеңешинин мурдагы депутаты С.У.Ч.ны өзгөчө ири өлчөмдөгү алдамчылык факты боюнча кармады.
🏗️ 2019-жылдын 4-апрелинде С.У.Ч. жана А.А. ортосунда көп кабаттуу турак жай курууга байланыштуу келишим түзүлгөн. А.А. курулуш үчүн Ош шаарындагы 45 сотых жер тилкесин берген.
📜 Келишимге ылайык, курулуш аяктагандан кийин курулуш компаниясы А.А.га жалпы аянттан 2 миң 750 чарчы метрди өткөрүп берүүгө милдеттүү болгон. Бирок С.У.Ч. келишимдик милдеттенмелерди аткарбай, жер тилкесин өз компаниясына мыйзамсыз каттаган.
⚖️ Тергөө иштеринин жыйынтыгында С.У.Ч. Кыргыз Республикасынын Кылмыш-жаза кодексинин 209-беренесинин 1-бөлүгүнүн 4-пункту (өзгөчө ири өлчөмдөгү алдамчылык) боюнча айыпталды.
🔒 Ал тергөө учурунда камакка алуу чарасы менен кармалып турат. Тергөө иштери улантылууда.