Түркиянын президенти Режеп Тайип Эрдоган БУУнун Башкы Ассамблеясында Палестина мамлекетин таанууну көбүрөөк өлкөлөргө чакырды. Ал Израилдин аймактагы аракеттерин сынга алып, Газадагы кырдаалды "геноцид" деп атады жана эл аралык тынчтыкка коркунуч туудуруп жатканын белгиледи.
🌍 Түркиянын президенти Режеп Тайып Эрдоган Бириккен Улуттар Уюмунун Башкы Ассамблеясынын трибунасынан Палестина мамлекетин таануу чечимин кабыл алууга көптөгөн өлкөлөрдү чакырды.
🕊️ Эрдоган Палестина мамлекетин тааныган бардык мамлекеттерге ыраазычылык билдирип, бул кадамды али жасай элек өлкөлөрдү тез арада мындай чечим кабыл алууга үндөдү.
⚖️ Ал БУУнун уставындагы негизги максаттардын бири эл аралык тынчтыкты жана коопсуздукту камсыз кылуу экенин белгиледи.
📅 Эрдоган БУУнун 80 жылдыгын белгилеп жаткан учурда дүйнөнүн ар кайсы жерлеринде олуттуу окуялар болуп жатканын, анын ичинде Газада 700 күндөн ашык убакыттан бери геноцид уланып жатканын айтты.
🚨 Газада жай тургундардын өлүмү 65 миңден ашканын белгилеп, бул кырдаалды токтотуу үчүн дүйнөлүк коомчулукту чара көрүүгө чакырды.
⚔️ Израилдин кеңейүү саясаты аймактык тынчтыкка жана адамзаттын жалпы жетишкендиктерине коркунуч туудуруп жатканын айтты.
🏛️ Иерусалимди үч авраамдык диндин ыйык шаары жана адамзаттын жалпы мурасы катары коргоо зарылдыгын белгиледи.
✋ Эрдоган Израилдин агрессивдүү саясатына каршы чыгып, бул аракеттердин дүйнөдөгү антисемитизмди күчөтүп жатканын жана бул абалдын мындан ары уланбашы керектигин баса белгиледи.