Өфө моторҙар эшләү берекмәһе (“ОДК-УМПО”) “Башкирская вахта” республика проектын тормошҡа ашырыу барышында бер юлы 652 кешене эшкә алды. Башҡортостандың ғаилә, хеҙмәт һәм халыҡты социаль яҡлау министрының беренсе урынбаҫары Юрий Мельников хәбәр итеүенсә, кадрҙар үҙәктәре белгестәре республикала һәм унан ситтә йәшәгән кешеләр менән 58 осрашыу үткәргән. Был проектты йәштәргә һөнәри йүнәлеш биреү системаһына индереү планлаштырыла. Ул студент төҙөлөш отрядтарын, йәштәр менән улар студент булған саҡта уҡ оҙайлы хеҙмәт килешеүе төҙөргә теләгән предприятиеларҙы ла үҙ эсенә ала. “Башкирская вахта” проекты былтыр ғына булдырылды, ул вакансиялар йәрминкәһенең яңы төрө булып тора – тәғәйен предприятиеларға эшкә алыуҙы күҙ уңында тота. Автор фотоһы.