Вуз-ара кампус резиденты программалы ҡарарҙар әҙерләү буйынса программа башланы

Өфөнөң Вуз-ара кампусы резиденты программалы ҡарарҙар әҙерләү буйынса элиталы программаны тормошҡа ашыра башланы. Өфө фән һәм технологиялар университетында «Программалы ҡарарҙар эшләү» уникаль программаһы асылды. Мәғариф проекты «Мәғлүмәт иҡтисады һәм дәүләттең һанлы трансформацияһы» милли проектының «Һанлы трансформация өсөн кадрҙар» федераль проекты сиктәрендә эшләй башланы. Программа баҙарҙың иң заманса талаптарын иҫәпкә алып төҙөлгән һәм ҡатмарлы мәсьәләләрҙе хәл итә һәм инновацион программа продукттары булдыра алған юғары квалификациялы профессионалдар әҙерләүгә йүнәлтелгән. Яңы йүнәлештәге тәүге студенттар 110 кеше булды. Улар бер нисә һайлап алыу этабын үтте: БДИ балдары, эске имтихан һәм портфолио буйынса. Программаның төп маҡсаты – яһалма интеллект технологияларын эшләү һәм үҙләштереү төркөмдәре етәкселәре компетенциялары менән юғары квалификациялы урта звено программалаусыларын әҙерләү. Был алым сығарылыш уҡыусыларына хеҙмәт баҙарында уңышлы көнркәшлек итергә һәм профессиональ өлкәләрҙә алдынғы урындарҙы биләргә мөмкинлек бирәсәк, тип билдәләнеләр юғары уҡыу йортонда. Программа буласаҡ эш биреүселәр менән тығыҙ бәйләнештә төҙөлгән. Беренсе курстан уҡ студенттар производство практикаһын үтә, хакатондар менән шөғөлләнә, индустрияның алдынғы белгестәренән юғары стипендиялар һәм ҡиммәтле белем ала башлай. Уҡыу сәғәттәренең өстән бер өлөшөнән ашыуын аккредитацияланған компаниялар уҡытыусылары үткәрәсәк, был студенттарға практик күнекмәләр һәм аныҡ проекттар өҫтөндә эшләү тәжрибәһе алыу мөмкинлеген тәьмин итәсәк. Тантаналы сарала республиканың Һанлы үҫеш министрлығы һәм алдынғы IT-компаниялар вәкилдәре ҡатнашты. Сығанаҡ: https://pravitelstvorb.ru/news/27539/