Бөгөн һеҙҙе яҡташыбыҙ, махсус хәрби операцияла ҡатнашыусы, “Башҡортостан” полкының медицина взводы бүлексәһе командиры Рөстәм Насипов һәм уның батырлығы менән таныштырмаҡсыбыҙ. Беҙҙең һөжүмдәрҙең береһендә кесе сержант Насипов яралы хеҙмәттәштәрен һуғыш яланынан эвакуациялай. Хатта дошман уты аҫтында ла ул яугирҙәргә медицина ярҙамы күрһәтеүен дауам итә. Рөстәм Насиповтың профессионаллеге арҡаһында был алышта яраланғандарҙың барыһын да ҡотҡарып ҡалалар. Хәрби бурысын үтәгәндә күрһәткән батырлығы һәм фиҙакәрлеге өсөн Рөстәм Насипов Жуков миҙалы менән бүләкләнә. Башҡортостан – ул геройҙар төйәге!