Бүгүн Бишкекке Казакстандын Сенатынын төрагасы Маулен Ашимбаев баштаган делегация келди. Алар Борбор Азия өлкөлөрүнүн ортосундагы кызматташтыкты, экономикалык өсүштү жана санариптик чөйрөнүн өнүгүшүн талкуулашат.
🇰🇬 Бишкекке бүгүн Казакстандын Парламентинин Сенатынын төрагасы Маулен Ашимбаев баштаган парламенттик делегация келди. Делегациянын максаты – Борбордук Азия мамлекеттеринин III Межпарламенттик форумуна катышуу.
🛬 “Манас” эл аралык аэропортунда делегацияны Жогорку Кеңештин төрагасынын орун басары Жылдыз Садырбаева тосуп алды.
🤝 Форумдун негизги максаты – Борбордук Азия өлкөлөрүнүн ортосундагы парламенттик кызматташууну бекемдөө, туруктуу экономикалык өсүштү камсыз кылуу, миграциялык процесстерди жөнгө салуу жана санариптик чөйрөнү өнүктүрүү.
💼 Форумда талкуулана турган негизги темалардын катарына “Миграция жана эмгек агымдары: жарандардын укуктарын мыйзамдык камсыздоо жана экономиканын туруктуулугу”, “Борбордук Азия өлкөлөрүндөгү инвестициялык климатты жакшыртуу жана экономиканын ачык-айкындуулугун жогорулатуу боюнча мыйзамдык чаралар”, “Парламенттер жана санариптик суверенитет: киберкоопсуздук, санариптик чөйрөнүн укуктук жөнгө салынуусу” кирет.
📈 Форумдун жыйынтыгы Борбордук Азия өлкөлөрүнүн ортосундагы кызматташууну жаңы деңгээлге чыгарууга багытталат.