Кара-Жыгач айылында курулуш аянтчасында бетоносмеситель мунара кулап, үч адам каза болду. Окуя боюнча кылмыш иши козголуп, үч жаран кармалды. Тергөө иштери уланууда.
🔧 Кара-Жыгач айылында курулуш аянтчасында бетоносмеситель мунарасы кулап, үч адамдын өмүрүн алды.
🚨 Окуя 22-сентябрда түштөн кийин саат 14:10 чамасында болгон. Бетон конструкциялар адамдарды басып калган.
👷♂️ Жабыркагандардын арасында 1995-жылы туулган слесарь-ишчи Н.Б., 1990-жылы туулган оператор Ж.А., жана чет элдик жаран, 1978-жылы туулган оператор К.Э. бар.
🚒 Кырсык болгон жерге МЧС жана ОВД кызматкерлери келип, каза болгондордун денелерин чыгарып, моргго жеткиришти. Соттук-медициналык экспертиза дайындалды.
⚖️ Бул факты боюнча Кыргыз Республикасынын Кылмыш-жаза кодексинин 272-беренеси («Тоолук, курулуш же башка иштердин коопсуздук эрежелерин бузуу») боюнча кылмыш иши козголду.
👮♂️ Үч жаран: 1979-жылы туулган А.А., 1990-жылы туулган И.И. жана 1990-жылы туулган Л.В. кармалып, убактылуу кармоочу жайга камалды. Тергөө иштери уланууда.