Ҡырымға дрондар һөжүме һөҙөмтәһендә өс кеше һәләк булған. Тағы 16 кеше яраланған, тип хәбәр итте Ҡырым Республика Башлығы Сергей Аксенов. Бынан алда Оборона министрлығы хәбәр иткәйне, ике кеше һәләк булған һәм 15 кеше зыян күргән. Ведомствонан белдереүенсә, Мәскәү ваҡыты буйынса 19:30 тирәһендә хәрби объекттар булмаған курорт биләмәһенә һөжүм иткәндәр. Был һөжүмде теракт тип атанылар. Ҡырым Башлығы Сергей Аксенов һүҙҙәренсә, Форос ҡасабаһында мәктәп бинаһы һәм шул уҡ исемле шифахана биләмәһендә бер нисә объект зыян күргән. Бынан тыш, бәреп төшөрөлгән дрон емереклектәре төшөүе һөҙөмтәһендә Ялта янында ҡоро үлән яна. Республика Башлығы кәңәшсеһе Олег Крючков әйтеүенсә, мәктәпкә һөжүм ваҡытында һаҡсы зыян күргән. Бынан тыш, тамаша залы тулыһынса емерелгән, китапхана зыян күргән. Мәктәптәге янғын һүндерелгән. Айрат Нурмөхәмәтов фотоһы.