Արաբական Միացյալ Էմիրություններում գտնվող ՀՀ քաղաքացիները կկարողանան անարգել երթևեկել ազգային վարորդական վկայականով, հայտնում են ՀՀ ներքին գործերի նախարարությունից։
Որոշման վերաբերյալ փոխըմբռնման հուշագիր են ստորագրել աշխատանքային այցով ԱՄԷ-ում գտնվող ՆԳ նախարար Արփինե Սարգսյանը և էմիրությունների փոխվարչապետ-ներքին գործերի նախարար, շեյխ Սեֆ բին Զայեդ Ալ Նահյանը։
Փոխադարձության սկզբունքի վրա հիմնված հուշագիրը վերաբերում է երկու պետությունների Ներքին գործերի նախարարության կողմից տրամադրվող վարորդական վկայականների փոխադարձ ճանաչմանը։
Նախարարությունից հայտնում են, որ ոչ բնակության նպատակով ԱՄԷ-ում գտնվող Հայաստանի քաղաքացիները կարող են իրենց ազգային վարորդական իրավունքի վկայականով անարգել երթևեկել այդ պետության տարածքում, իսկ բնակության նպատակով գտնվելու պարագայում՝ վարորդական վկայականի փոխանակման համար դիմող անձն ազատում է դրա հետ կապված տեսական և գործնական քննություններից:
Նորություններին հետևեք մեր կայքում, ինչպես նաև Telegram-ում և YouTube-ում