Бөйөк Ватан һуғышы ветераны Родион Григорьевич Лобанов ошо көндәрҙә бер быуатлыҡ юбилейын билдәләне. 100 йыллығын байрам иткәндә ул уйынды телевизорҙан түгел, ә трибунанан күрергә теләүен белдерә. Ветерандың теләге тормошҡа ашты – 1 октябрҙә “Өфө-Арена” спорт комплексында уҙған “Салауат Юлаев” менән “Себер” командалары уйынын ҡараны. Оло йәштә булыуына ҡарамаҫтан, Родион Григорьевич дәртле һәм тормошҡа ыңғай ҡарашлы булыуы башҡаларға өлгө булып тора. – Ошо көндәрҙә Бөйөк Ватан һуғышы ветераны Родион Григорьевич Лобанов үҙенең 100 йыллыҡ юбилейын билдәләне. Ҡотлаған саҡта ул яратҡан “Салауат Юлаев” командаһы өсөн телевизорҙан түгел, ә яҡындан ҡарап хупларға теләүе хаҡында һөйләне. Юлаевсыларыбыҙ батырҙарса уйнап, 5:2 иҫәбе менән еңгән матчта һәр ваҡыт шаяртып, минең ниндәй йылда тыуғанымды һораны. Яуапты ишеткәс, йылмайып: "Ә мин 25-селә. Күрәһең, беҙҙең айырма ҙур түгел, бергә ултырабыҙ һәм командабыҙ өсөн көйәбеҙ”, – тине. Бына нимәгә барыбыҙға ла Родион Григорьевичтан өйрәнергә кәрәк. 100 йәштә – бөтә нәмәлә лә ыңғай ҡарай һәм тормошҡа һөйөү менән баға! Родион Григорьевич, һеҙҙең алда баш эйәбеҙ һәм ныҡлы һаулыҡ теләйбеҙ, – тип белдерҙе “Берҙәм Рәсәй” партияһының төбәк бүлексәһе Секретары урынбаҫары, партияһының Төбәк башҡарма комитеты етәксеһе, Дәүләт Йыйылышы – Ҡоролтай депутаты Руслан Насретдинов. Әйткәндәй, оҙайлы уңышһыҙ уйындарынан һуң бөгөн “Салауат Юлаев” уңышлы сығыш яһап, “Себер” командаһын 5х2 иҫәбе менән еңде. Бәлки, 100 йәшлек ветерандың уйынды ҡарарға килеүе юлаевсыларға көс өҫтәгәндер. Фото: vk.com/erbashkortostan.