Кыргыз Республикасынын министрлер кабинетинин төрагасынын орун басары Эдиль Байсалов атактуу сумо балбаны Хакухо Сё менен жолугушуп, аны Көчмөндөрдүн дүйнөлүк оюндарынын элчиси катары дайындады. Хакухо Сё Кыргызстанды дүйнөлүк аренада таанытууга жана сумо спортун кыргыз жаштары арасында жайылтууга көмөктөшүүгө даяр экенин билдирди.
🌍 Кыргыз Республикасынын Министрлер кабинетинин төрагасынын орун басары Эдиль Байсалов 69-ёкодзуна, атактуу япон сумо балбаны Хакухо Сё менен жолугушту. Хакухо Сё Дүйнөлүк көчмөндөр оюнунун жакшы ниет элчиси болуп дайындалып, Кыргызстандын эл аралык аренада таанылышына жана чет элдик конокторду алтынчы Дүйнөлүк көчмөндөр оюндарына чакырууга көмөктөшүүгө даяр экенин билдирди.
🤝 Жолугушууда Кыргыз Республикасы менен Япониянын ортосундагы маданий-спорттук алмашууну өнүктүрүү перспективалары жана Кыргызстандагы жаштар арасында сумонун популярдуулугун жогорулатуу маселелери талкууланды.
🇰🇬 Эдиль Байсалов Кыргыз Республикасы маданий байланыштарды кеңейтүүгө жана элдердин ортосундагы достукту чыңдоого чоң маани берерин баса белгиледи. Анын айтымында, спорт өз ара түшүнүшүү жана ишенимдин маанилүү куралы болуп саналат.
🌟 Хакухо Сё кыргыз тарапка жылуу кабыл алуусу үчүн ыраазычылык билдирип, өз тажрыйбасы жана билими менен бөлүшүүгө даяр экенин тастыктады. Ал спорт ар кайсы өлкөлөрдүн жана маданияттардын адамдарын бириктирерин белгилеп, Япония менен Кыргызстандын ортосундагы маданий жана спорттук байланыштардын мындан ары да өнүгүшүнө үмүт артты.