Күрше йортта бер ир менән ҡатын йәшәй. Шул ир инде биш-алты йыл инвалид коляскаһында ултырған ҡатынын урамға алып сыға. Ҡарап ҡына тора үҙен. Үҙҙәренсә көлөшәләр, гел генә нимәгәлер шатланып һөйләшәләр... Күршеләр менән дә татыу аралашалар. Икәү генә йәшәйҙәр икән. бер балалары булған, күптән инде фажиғәле рәүештә үлгән. Шул күршеләр һөйләүенсә, улдары үлгәс, ир төшөнкөлөккә бирелеп, эсә башлаған. Иҫерек килеш аварияға эләккән. Дауаханала бер йыл буйы ятҡан, ҡатыны көн дә янына килеп тәрбиәләп йөрөгән. Кире кеше булғандыр инде, унда ла гел ҡоторонған. Тик бәлә икенсе яҡтан килтереп һуҡҡан. Ҡыҙғанысҡа ҡаршы, ҡатынын инсульт һуҡҡан. Шул саҡ ире ҡапыл үҙгәргән. Бер ҙә ташламаған ҡатынын, шунан бирле үҙен ҡәҙерләп кенә йәшәтә. Теге саҡ ул бит мине һаҡлап алып ҡалды, мин уға бурыслы, тип әйтергә ярата ти. Шундай ирҙәргә ҡарап һоҡланмау мөмкин түгел. Шундайҙар күберәк булһын ине. Матур парҙар ҙа бар, әлбиттә. Ҡартайғанда икәү-ара матур итеп йәшәүгә бер ни етмәй! Нәсих Хәлисов фотоэтюды (фотоның ваҡиғаға ҡыҫылышы юҡ).Сығанаҡ: https://vk.com/tatar_live