Ылаҡ (22.12 – 20.01)
Был арала әүҙемлегегеҙ мотлаҡ артыр. Тик ҡай саҡ көсөгөҙҙө дөрөҫ баһаламауығыҙ ҙа ихтимал. Бәғзеләр хатта бер юлы бер нисә эшкә тотонор. Шуға күрә аҙна йомғаҡтары уйлағандан күпкә кәмерәк булыуы бар.
Һыуғояр (21.01 – 19.02)
Йондоҙҙар сығымдарығыҙға ҡарата иғтибарлыраҡ булырға ҡуша. Шишәмбелә аҡсағыҙҙы кәрәкмәгән нәмәгә түгеүегеҙ мөмкин. Кесе йомала төрлө бәхәстән ары тороғоҙ. Унда ҡатнашыу һеҙгә файҙа бирмәҫ.
Балыҡ (20.02 – 20.03)
Төп эшегеҙҙә кире хәлдәргә осрарһығыҙ һымаҡ. Бәғзеләрҙең тиктомалға шелтә алыуы ла ихтимал. Үҙегеҙҙе тыныс тотоғоҙ, алдан төҙөгән план буйынса эш итеүегеҙ хәйерле. Шәхси тормошоғоҙҙа ыңғай күренештәр асыҡ беленер.
Ҡуҙы (21.03 – 20.04)
Аралашыуҙа мотлаҡ уңырһығыҙ. Өмөтлө танышлыҡтар булдырыуығыҙ бик мөмкин. Кемдер маҡтау һүҙҙәрен дә ишетер, бәлки. Кесе йомала ишеткән хәбәр күңелегеҙҙе тағы ла күтәрер.
Буға (21.04 – 21.05)
Мөһим эштәрегеҙҙе ваҡытлыса кисектереп тороуығыҙ хәйерле. Юғиһә ҡай саҡ уларҙың һеҙ уйламағанса тамамланыуы бар. Был арала яҡын кешеләрегеҙ менән дә аралашыу ҡыйынлашыр, моғайын.
Игеҙәктәр (22.05 – 21.06)
Мәл эштәрегеҙҙе, ҡағыҙҙарығыҙҙы тәртипкә килтереү өсөн уңайлы. Өйөгөҙгә лә бер аҙ иғтибар биреү файҙалы булыр. Кәрәкмәгән әйберҙәрегеҙҙән һис тә йәлләмәйенсә ҡотолоғоҙ, ташлағыҙ, һатығыҙ… Кесе йомала һис көтмәгәндә ҡулығыҙға аҡса инер.
Ҡыҫала (22.06 – 23.07)
Аҙна башында ыңғай мәлдәр булыр. Уларҙы ваҡытында күрергә тырышығыҙ. Бәғзеләр тап ошо көндәрҙә бигерәк тә уңыр. Кесе йомала ашыҡмаҫҡа кәңәш ителә, һәр мәсьәләне бар яҡтан тикшереүегеҙ хәйерле.
Арыҫлан (24.07 – 23.08)
Осорҙо бик әүҙем үткәрерһегеҙ. Һеҙҙең тырышлыҡты мотлаҡ күрерҙәр һәм тейешле баһа бирерҙәр, моғайын. Йомала ғына һис тә көтөлмәгән ваҡиғалар элекке эштәрегеҙгә ҡабат тотонорға мәжбүр итер.
Ҡыҙ (24.08 – 23.09)
Аҙнаны файҙалы тамамларһығыҙ. Башта ҡыйынлыҡтар осрап торор. Шунан ҡапыл мөмкинлектәр асылыр кеүек. Кеше араһында үҙегеҙҙе яҡшы яҡтан күрһәтә алырһығыҙ. Абруйығыҙ ҙа күҙгә күренеп артҡанын асыҡ тойорһоғоҙ.
Үлсәү (24.09 – 23.10)
Башлаған эштәрегеҙҙе күпселектә ваҡытында тамамлай алмаҫһығыҙ. Әйткәндәй, бында һеҙҙең ғәйебегеҙ юҡ. Шаршамбылағы икеле хәлдәр мотлаҡ һеҙҙең файҙаға тамамланыр. Был арала аҡсалата килем алырһығыҙ, моғайын.
Саян (24.10 – 22.11)
Шишәмбелә ниндәйҙер өмөтлө күренгән тәҡдим ишетеүегеҙ ихтимал. Унда күмәк эш тураһында һүҙ барыр, бәлки. Бының өсөн башта аҡса ла түгергә тура килер кеүек. Ғөмүмән, аҙна йомғаҡтарынан ҡәнәғәтлек кисерерһегеҙ.
Уҡсы (23.11 – 21.12)
Был арала көс-хәлегеҙҙе йәлләмәгеҙ. Барыһы ла һеҙҙең файҙаға булырға тейеш. Йондоҙҙар оло кешеләрҙең кәңәштәренә ҡолаҡ һалырға ҡуша. Шаршамбынан һуң ҡыйынлыҡтар күбәйер. Был оҙаҡҡа бармаҫ, моғайын.
ӨМӨТБАЙ.