🔴 🟦🟦
🏥 Тошкент давлат тиббиёт университетининг кўп тармоқли клиникаси — юртимиздаги етакчи даволаш муассасаларидан бири. Ўз навбатида, у замонавий тиббий таълим кластери сифатида ҳам эътироф қозонган.
📊 1200 дан зиёд ўринли клиника кунлик 850 қатновга мўлжалланган маслаҳат-диагностика поликлиникасига эга. Ҳар йили бу ерда 250 минг нафардан ортиқ беморларга терапевтик, жарроҳлик, акушер-гинекологик ва педиатрия йўналишларида шошилинч, режали, стационар ҳамда амбулатор тиббий хизмат кўрсатилади.
📌 Эътиборлиси, операциялар, диагностика ва муолажалар жараёнида университет тингловчилари бевосита иштирок этиб, олган билимини амалиётда мустаҳкамлайди. Шунингдек, олий ўқув юртидаги тадқиқот ва ихтиролар натижалари, аввало, ушбу нуфузли клиника фаолиятига татбиқ этилади.
🔎 Аммо ушбу муассасада фақат илм ва амалиёт уйғунлигига эришнинг ўзи кам. Бўлажак тиббиёт ходимлари бу ердан нафақат пухта малака ва кўникма билан бирга касбга, қасамёдига содиқлик, ҳалоллик фазилатларини ҳам тўлақонли ўзлаштириб, сўнг оқ халат эгасига айланишлари шарт.
‼️ Бугун коррупцияга қарши курашиш мавзусига бағишланган тадбирнинг айнан ушбу клиникада ўтказилаётгани боиси шунда. Йиғилишда Соғлиқни сақлаш вазирлиги, ҳуқуқ-тартибот идоралари масъуллари ва клиника вакиллари иштирок этмоқда. Унда тизимни коррупциядан холи соҳага айлантириш борасидаги муҳим талаб ва вазифалар ҳақида сўз боряпти.
Соғлиқни сақлаш вазирлиги
Матбуот хизмати.
📱 @ssvuz |📱 @ssvmatbuotkotibi | 📱 Facebook |📱 Instagram
В этом посте есть большое видео, которое не загрузилось в Дзен. Откройте оригинал поста в телеграме, чтобы его посмотреть
