💬 Toshkent davlat tibbiyot universitetida ijtimoiy-psixologik yordam faoliyati kengaymoqda
➡️2025-yil 17-sentabr kuni Toshkent davlat tibbiyot universitetining barcha kampuslarida Ijtimoiy-psixologik yordam markazi psixologlari tomonidan talaba-yoshlar bilan uchrashuv va suhbatlar tashkil etildi.
🔹Universitetning bosh kampusida markaz psixologi R.Polvonov tyutorlar uchun “Kasbiy so‘nish sindromi: sababi, belgilari va oqibatlari” mavzusida seminar-trening tashkil etdi. Tadbirda tyutorlar bilan qiziqarli mashg‘ulotlar, savol-javoblar hamda talabalarning psixologik pasportlarini shakllantirish tartibi bo‘yicha tushuntirishlar berildi.
🔹Universitetning Pediatriya kampusida markaz psixologi G.Djumanova 2-Pediatriya fakultetining 2-bosqich talabalari bilan suhbat o‘tkazdi. Unda diqqat va xotirani rivojlantirish usullari, kunni rejali tashkil etishning ahamiyati bo‘yicha maslahatlar berildi.
🔹Universitetning Stomatologiya kampusida markaz rahbari, psixoterapevt R.Polvonov psixolog E.M. Safarova faoliyati bilan yaqindan tanishdi. Suhbat davomida 2025-2026 o‘quv yilida amalga oshiriladigan umumiy va yakka tartibdagi ish rejalar muhokama qilindi.
🔹Shuningdek, psixologlar G.Umirova, G.Soibnazarova, Sh.Tashkulova hamda xotin-qizlar inspektori hamkorligida universitetning 2-bosqich talabalari bilan o‘quv malakalari va xulq-atvordagi o‘zgarishlarni oldini olishga qaratilgan davra suhbati o‘tkazildi. Suhbar davomida talabalarga o‘z-o‘zini boshqarish, hissiyotlarni nazorat qilish, o‘zaro hurmat va kasbga mehr mavzularida tavsiyalar berildi.
✈️ Ushbu tadbirlar talabalar ruhiy barqarorligini ta’minlash, ularning o‘qish samaradorligini oshirish va kasbiy motivatsiyasini mustahkamlashga xizmat qiladi.
✅Rasmiy sahifalarimiz:
Telegram | Facebook | Instagram | YouTube | X | LinkedIn
