Туймазы ҡалаһындағы 8-се мәктәптең хеҙмәт кабинетына яңы ҡорамал алынды, был эш “Йәштәр һәм балалар” милли проектына (национальный проект “Молодежь и дети”) ярашлы тормошҡа ашырылды, тип хәбәр иттеләр урындағы хакимиәттән. “Быға тиклем миңә уҡыусы ҡыҙҙарҙың береһен таҡта янына сығарып, уның ярҙамында башҡаларға үлсәмдәрҙе нисек алырға икәнен күрһәтә торғайным. Хәҙер инде ошо йәһәттән манекен бар. Уның “кәүҙәһе”нең үлсәмдәре күп үҫмерҙәрҙең параметрҙарына тура килә. Беҙҙә ҙур көҙгө лә юҡ ине. Ә әйберҙе кейеп ҡарағанда уның тотош кәүҙәлә нисек күренгәнен төрлө яҡлап байҡау мөмкинлеге булырға тейеш”, – тип һөйләне 8-се мәктәптең хеҙмәт уҡытыусыһы Лилиә Фәйзуллина. Бынан тыш, кабинетҡа электр теген машинаһы ла алынған. Шулай уҡ бында әйберҙе бесеү өҫтәле һәм махсус йыһазландырылған үтекләү зонаһы бар. Ә һыҙма, графика үҙенсәлектәрен ҡыҙҙар проекторлы компьютер ярҙамында өйрәнә. “Йәштәр һәм балалар” милли проекты йәш быуын вәкилдәренең һәләтен үҫтереү, уларға үҙаллы камиллашыу мөмкинлеген к