Жогорку Кенештин жыйынында депутаттар ипотекалык турак жай куруу, билим берүү мүмкүнчүлүктөрүн кеңейтүү, жолдорду өнүктүрүү жана коомдук транспорттун жеткиликтүүлүгү боюнча маселелерди көтөрүштү.
📢 Жогорку Кенештин жыйынында социалдык-экономикалык маселелер көтөрүлдү.
🏠 Бактыяр Калпаев региондордо, өзгөчө Кадамжай жана Айдаркен шаарларында ипотекалык турак жай курулушуна көңүл бурууну сунуштады. Ал Кызыл-Бел айылына заманбап спорт комплекси керек экенин белгиледи.
📚 Айсулуу Мамашова ден соолугунан мүмкүнчүлүгү чектелген балдар үчүн билим берүү кызматтарына жеткиликтүүлүктү кеңейтүү зарылдыгын айтты. Ден соолук жана билим берүү министрликтери атайын бала бакчаларга жана мектептерге кабыл алуу процедураларын жакшыртуу боюнча бирдиктүү жана координацияланган саясат жүргүзүшү керек.
🛣️ Аккулу Бердиев өлкөнүн жол тармагын өнүктүрүү маселесин көтөрүп, айланып өтүүчү жолдордун курулушу, айрыкча облустук жана райондук борборлордо, жол тыгындарын азайтуу үчүн маанилүү экенин кошумчалады.
🚌 Сеидбек Атамбаев Аламедин районунун айылдары үчүн коомдук транспорттун жеткиликтүүлүгүн жогорулатуу маселесин көтөрүп, Бишкектен Кашка-Суу жана Чокморов айылдарына каттаган автобустардын санын көбөйтүүнү сунуштады.
🏢 Акбокон Таштанбеков Иссык-Ата районунда, анын ичинде Кант шаарында мурда мыйзамсыз менчиктештирилген социалдык объекттердин мамлекетке кайтарылып, бирок айыл өкмөтүнүн жана шаардык баланска алынбаганын белгиледи.
🏫 Айсаракан Абдибаева Кербен шаарынын Боспиек айылындагы №37 Алтынай атындагы мектептин авариялык абалда экенин айтып, жаңы заманбап мектеп куруу зарылдыгын кошумчалады.
💰 Таалайбек кызы Жылдыз Баш-Каинды айылындагы Ч.Асеков атындагы мектептин капиталдык оңдоп-түзөө иштерин бүтүрүү үчүн 9 млн сом бөлүүнү тездетүүнү өтүндү. Бүгүнкү күндө имараттын 2 жана 3-кабаттарынын оңдоп-түзөө иштери аяктаган.