Күзгү түшүмдүн алгачкы жыйынтыгы: дан эгиндеринин 70% жыйналып, жалпы көлөмү 1,25 млн тоннага жетти. Жашылча жана картошка өндүрүшү өсүүдө, ал эми дыйкандарга жеңилдетилген кредиттер жана лизинг аркылуу техникалык жардам көрсөтүлүүдө.
🌾 Кыргызстанда күздүн түшүмү боюнча алгачкы жыйынтыктар чыгарылды: дан эгиндеринин 70% ашыгы жыйналды, жалпы түшүм 1,25 млн тоннадан ашты. Ошондой эле, жашылча жана картошка өндүрүшү өсүүдө, ал эми дыйкандарга жеңилдетилген кредиттерден тартып айыл чарба техникаларын лизингге берүү сыяктуу олуттуу мамлекеттик колдоо көрсөтүлүүдө.
📊 2025-жылдын 15-сентябрына карата жалпы 678,4 миң га дан эгиндеринин аянтынан 478,8 миң га (70,6 %) жыйналды, бул өткөн жылдын ушул мезгилине салыштырмалуу бир аз жогору (467,9 миң га).
🌾 Орточо түшүмдүүлүк республика боюнча 26,2 ц/га түздү, бул өткөн жылдын деңгээлинен 1,8 ц/га төмөн (27,9 ц/га). Азайуу негизинен буудайдын (-1,7 ц/га) жана арпанын (-1,1 ц/га) түшүмдүүлүгүнүн төмөндөшү менен байланыштуу.
📉 2025-жылы дан эгиндерин жыйноо кампаниясынын жүрүшү өткөн жылдын көрсөткүчтөрүнөн артта калууда. Негизги себеп — бардык аймактарда түшүмдүүлүктүн азайышы, бул аба ырайынын шарттары (кургакчылык жана ысык) менен байланыштуу.
🥔 Жашылчалардын жалпы 56,6 миң га аянтынан 39,3 миң га (69,5 %) жыйналды, ошол эле учурда жалпы түшүм өткөн жылга салыштырмалуу 117,5 миң тоннага өстү. Эң жогорку түшүмдүүлүк Жалал-Абад облусунда катталган — 294,9 ц/га.
🥔 Картошканын 64,5 миң га аянтынан 28,8 миң га (44,7 %) жыйналды. Жалпы түшүмдүн өсүшү (+16,7 миң тонна) жана түшүмдүүлүктүн жогорулашы (150,2 ц/га) байкалууда, бул оң динамиканы көрсөтүүдө. Ысык-Көл облусунда 13,2 % жалпы аянт жыйналды.
🍉 Бахчалардын 11,8 миң га аянтында жыйноо иштери дээрлик аяктады — 12,13 миң га (103 %), бул рекорддук көрсөткүч болуп саналат. Жалпы түшүм өткөн жылга салыштырмалуу 55,1 миң тоннага өстү. Негизги өндүрүүчү — Жалал-Абад облусу.
🌱 Техникалык өсүмдүктөрдүн жалпы 32,3 миң га аянтында жыйноо жаңы гана башталды. Май өсүмдүктөрүн жыйноо 43,2 % (5,4 миң га), тамекини — 39,4 % аткарылды. Пахта жана кант кызылчасын жыйноо иштери али баштала элек.
💰 2025-жылдын 11-сентябрына карата “Айыл чарбасын каржылоо” долбоорунун алкагында 6 млрд 418 млн сомдон 4 млрд 30,92 млн сом жеңилдетилген кредиттер берилген. Ошентип, бул сумма төмөнкүдөй бөлүнгөн: мал чарбачылыгына — 5 миң 374 субъектке 3 млрд 331,34 млн сом; өсүмдүк өстүрүүчүлүккө — 898 субъектке 441 млн сом; суу үнөмдөөчү технологияларга — 24 субъектке 17 млн сом; лизингге — 122 субъектке 241,56 млн сом.
🚜 2011-жылдан бери республиканын айыл чарба өндүрүүчүлөрүнө 8 миң 735 бирдик ар кандай айыл чарба техникалары лизингге берилген. Лизингдин жалпы суммасы 24 млрд сомду түзгөн (мал чарбачылыгынын лизингин эске албаганда).