Бишкекте Финансылык рынокту жөнгө салуу жана көзөмөлдөө кызматы менен Виртуалдык активдер рыногунун катышуучуларынын ассоциациясы ортосунда кызматташуу жөнүндө меморандумга кол коюлду. Документтин максаты – ачык жана коопсуз виртуалдык активдер рыногун түзүү, мыйзамдарды жакшыртуу, каржылык сабаттуулукту жогорулатуу жана заманбап технологияларды киргизүү.
📄 Бишкекте Финансылык рынокту жөнгө салуу жана көзөмөлдөө кызматы менен Виртуалдык активдер рыногунун катышуучуларынын ассоциациясы ортосунда кызматташуу жөнүндө меморандумга кол коюлду.
🤝 Бул документ мамлекеттик орган менен кесиптик коомчулуктун ортосунда виртуалдык активдер чөйрөсүндө натыйжалуу өз ара аракеттенүүнү өнүктүрүүгө багытталган.
📈 Меморандумдун негизги максаттары Кыргыз Республикасында виртуалдык активдер рыногун ачык жана коопсуз кылып түзүүгө көмөктөшүү, мыйзамдарды жана укуктук актыларды өркүндөтүү боюнча биргелешкен сунуштарды иштеп чыгуу болуп саналат.
📚 Ошондой эле, рыноктун катышуучуларынын финансылык сабаттуулугун жана маалымдуулугун жогорулатуу, заманбап технологияларды жана мыкты эл аралык практикаларды киргизүүгө багытталган биргелешкен иш-чараларды өткөрүү боюнча тажрыйба алмашуу каралган.
🌟 Эки тараптын өкүлдөрү Меморандумга кол коюу өлкөнүн виртуалдык рыногунун туруктуу өнүгүүсүн камсыз кылуу, инвестициялар жана инновациялар үчүн жагымдуу шарттарды түзүү, ошондой эле жарандар менен бизнеске жаңы финансылык инструменттерге болгон ишенимди бекемдөө үчүн маанилүү кадам экенин баса белгилешти.