Талбазы – Красноусол юлында Аҡ Таш (Үҙән) йылғаһы аша күпер ремонтланды

Башҡортостандың Ауырғазы районында “Тормош өсөн инфраструктура” милли проекты сиктәрендә Талбазы – Красноусол юлында Аҡ Таш (Үҙән) йылғаһы аша күперҙе капиталь ремонтлау тамамланды. Был хаҡта республиканың Транспорт министрлығынан хәбәр иттеләр. Юлсылар күперҙең тимер-бетон конструкцияһын яңырта, уның оҙонлоғо 39 погон метр тәшкил итә. Шулай уҡ подряд ойошмаһы күпергә һәм подъездарға яңы асфальт-бетон япма һала, һыу ағыҙыу ҡоролмаларын, деформация йөйҙәрен һәм металл элементтарҙы коррозияға ҡаршы эшкәртеүҙе урынлаштыра. Бынан тыш, яндауырҙары һәм ҡоймалары монтажлана. – Аҡ Таш йылғаһы күпере Талбазы – Красноусол юлында урынлашҡан. Ул популяр туристик йүнәлеш булып тора. Юл Красноусол ауылына алып бара, унда шул уҡ исемле курорт, шулай уҡ шифалы һәм изге сығанаҡтар менән Башҡортостандан ситтә лә билдәле. Бынан тыш, күпер Ауырғазы һәм Ғафури райондарының күп ауылдарында йәшәүселәр өсөн мөһим. Бында тәүлегенә өс меңдән ашыу автомобиль үтә, шуға күрә күперҙе норматив хәлгә килтереү мөһим ине, — тип һөйләне Башҡортостандың транспорт һәм юл хужалығы министры Любовь Минакова. 2025 йылда Башҡортостанда “Тормош өсөн инфраструктура” милли проекты (национальный проект “Инфраструктура для жизни”) сиктәрендә дөйөм оҙонлоғо 1100 метрҙан ашыу булған 11 күпер норматив хәлгә килтереләсәк. Улар араһында Ҡырмыҫҡалы районында Ҡырмыҫҡалы – Түбәнге Төкөн автомобиль юлында шишмә аша күпер, Ауырғазы районында Урал – Мораҙым юлында Турһағазы йылғаһы аша күпер, Октябрьский янында Башҡортостан менән Татарстан сигендәк йылғаһы аша күпер һәм башҡалар бар. Фото: pravitelstvorb.ru.