Токтогул шаарында Эргеш Ормонов атындагы стадион жаңыланып ачылды. Стадион заманбап спорт комплексине айланып, 3,450 көрүүчүгө ылайыкталган. Камчыбек Ташиевдин айтымында, бул арена кыргыз футболун дүйнөгө таанытууга өбөлгө түзөт.
⚽️ Токтогул шаарында жаңыланган Эргеш Ормонов атындагы стадион салтанаттуу түрдө ачылды.
🎉 Кыргызстандын футбол союзунун президенти Камчыбек Ташиев иш-чарага катышып, стадион улуттун биримдигин бекемдөө жана жаштарды өнүктүрүү үчүн кызмат кылаарын белгиледи.
🏟 Стадион мурда 1980-жылы Москва Олимпиадасына арналып курулган болчу, бирок убакыттын өтүшү менен эскирип калган. Президент Садыр Жапаровдун тапшырмасы менен Камчыбек Ташиев аренага толук кайра куруу иштерин жүргүздү.
📍 Стадион Суйоркул көчөсүндө жайгашып, 2 гектар аянтты ээлейт. 3,450 көрүүчүгө ылайыкталган трибуналар, VIP коноктор, маалымат каражаттары жана расмий делегаттар үчүн атайын бөлмөлөр бар.
🌱 Негизги оюн талаасы жасалма газон менен капталган жана заманбап жарыктандыруу системасы менен жабдылган, бул кечки матчтарды өткөрүүгө мүмкүнчүлүк берет.