Кыргызстанда Ага Хан архитектура сыйлыгынын биринчи жолу тапшыруу аземи өтөт. Иш-чарага 150дөн ашуун өкүлдөр, архитекторлор жана окумуштуулар катышат.
🏆 Кыргызстанда биринчи жолу Ага Хан архитектура сыйлыгынын салтанаттуу тапшыруу аземи өтөт.
🌍 Иш-чара Кыргыз Республикасынын жана Ага Хан Фондунун теңтөрагалыгы астында өтүп, дүйнөнүн ар кайсы бурчунан келген 150дөн ашуун расмий өкүлдөрдү, архитекторлорду жана окумуштууларды бириктирет.
✈️ Ага Хан Фондунун өкүлдөрү, анын ичинде ханзаада Рахим Ага Хан V, ханзаада Али Мухаммад Ага Хан, ханзаада Хуссейн Ага Хан жана ханбийке Фарин Ага Хан 14-сентябрда Кыргызстанга келишти.
👋 Конокторду «Манас» эл аралык аэропортунда Кыргыз Республикасынын Министрлер кабинетинин төрагасынын орун басары Эдиль Байсалов, курулуш, архитектура жана турак жай-коммуналдык чарба министринин биринчи орун басары Самат Жантелиев жана Бакай Турдугулов тосуп алышты.
🎉 Бул иш-чара өлкөдө архитектура жана маданиятты өнүктүрүүгө чоң салым кошот деп күтүлүүдө.