Башҡортостанда Энергетик ауылына юл участкаһы ремонтланды

Белгестәр Башҡортостандың Яңауыл районындағы Энергетик ауылына юл участкаһын ремонтлауҙы тамамланы. Эштәр “Тормош өсөн инфраструктура” милли проекты буйынса башҡарылған, тип хәбәр иттеләр төбәктең транспорт һәм юл хужалығы министрлығынан. Ремонтланған участканың дөйөм оҙонлоғо өс километр тәшкил итә. Эшселәр асфальт-бетон япмаһын яңыртҡан, юл ситтәрен нығыта һәм билдәләр ҡуйған. Яңыртылған юл тәүлегенә 2,5 – 3 мең автомобиль һәм 4 меңгә яҡын ауыл халҡы өсөн уңайлы юл булдырасаҡ. Тораҡ пунктында шулай уҡ республикала иң ҙур электр энергияһы етештереүсе Ҡарман ГРЭС-ы урынлашҡан. Бынан тыш, юл туристар һәм балыҡсылар араһында популяр булған Ҡарман һыуһаҡлағысына алып бара. “Тормош өсөн инфраструктура” милли проектының (национальный проект “Инфраструктура для жизни”) маҡсаты — тораҡ пункттарҙы комплекслы үҫтереү. Был торлаҡ һәм юлдар төҙөү һәм ремонтлау, йәмәғәт һәм ихата киңлектәрен төҙөкләндереү, бөтә социаль һәм коммуналь инфраструктураны булдырыу һәм яңыртыу, хәрәкәт итеүсе составты яңыртыу иҫәбенә йәмәғәт транспортының уңайлы маршруттары һанының артыуы. Яңыртылған милли проекттар РФ Президенты Владимир Путин ҡарары буйынса 2025 йылдан тормошҡа ашырыла. Фото сығаағы: БР Хөкүмәте.