“Bugun Oliy sud binosida mamlakatimiz sudyalar hamjamiyati bilan konstruktiv uchrashuv bo‘lib o‘tdi” — Saida Mirziyoyeva
Prezident adminstratsiyasi rahbari tadbirga yuqori baho berib, oldinga qo‘yilgan besh ustuvor vazifadan biri sud islohoti ekanini qayd etdi.
“Prezidentimizning sud tizimini sun’iy intellekt asosida raqamlashtirish, sudlarga yengillik yaratish maqsadida nizosiz masalalarni notariuslarga o‘tkazish, sudyalarni tayyorlashni takomillashtirish to‘g‘risida yaqinda qabul qilingan farmonlari haqida so‘z yuritdik. Bu sohada eskirgan ta’lim tizimining o‘rnini egallaydigan Odil sudlov akademiyasi tashkil etildi. Ochiq va oshkora muloqot uchun barchaga minnatdorlik bildirib, Alisher Ataxanovich Usmonovni Oliy sud raisining birinchi o‘rinbosari lavozimiga tayinlangani bilan tabriklayman. Omad va oldimizga qo‘yilgan barcha vazifalar muvaffaqiyatli amalga oshirilishini tilayman”, deya fikr bildirdi Saida Mirziyoyeva.
