Халҡыбыҙҙың онотола барған шөғөлдәрен үҙ иткән оҫталарҙың береһе–Рим Аллаяров. Ата–бабаларҙың шөғөлөн дауам иткән, бөгөн дә септә һуғыу менән шөғөлләнгән һөнәрмән Белорет районы Баҡый ауылынан. Һуңғы йылдарҙа “Башҡорт аты” фетивале үткәрелеүҙәнме, әллә йылҡысылыҡҡа, аттарға ҡарата иғтибарҙың артыуынанмы септә һатып алырға теләк белдереүселәрҙең һаны йылдан–йыл арта. Белорет районы оҫтаһының күргәҙмәгә алып килгән әйберҙәре тиҙ арала һатылып та бөттө, хатта заказ биреүселәр ҙә байтаҡ булды,–ти хужа. Кемдәр ат тота йә иһә ат менән булышыусылар септәнең нимә икәнлеген һәм уны нисек файҙаланырға кәрәклеген беләлер. Электән уны ат өҫтөнә ябыу өсөн файҙаланғандар. Бөгөн күптәр уны төрлө күргәҙмәләргә, ат ярыштарында күрһәтеү өсөн ҡуллана тиһәк тә була. Сөнки септә һуғыу еңел эш түгел. Беренсенән, уның өсөн өлгөргән һалабаш таҫмалары кәрәк. Ә уны эшләү өсөн һалабаш батырыу мотлаҡ. Рим Йәмних улы әйтеүенсә, йәй башында йүкәнең ҡабығын һыҙырып, Кесе Шешәнәк, Еҙем, Оло Шешәнәк йылғаларына батыра