Жалал-Абад облусундагы Регионалдык инвестициялык кеңештин кеңейтилген жыйыны мамлекеттик жана жеке сектордун диалогун өнүктүрүүгө, региондун экономикалык өсүшүнө көмөктөшүүгө багытталган.
🗣️ Джалал-Абад облусундагы президенттин ыйгарым укуктуу өкүлүнүн жаңы имаратында Регионалдык инвестициялык кеңештин (РИК) кеңейтилген жыйыны болуп өттү. Бул жыйындын максаты – мамлекеттик жана жеке секторлордун ортосунда натыйжалуу диалог түзүү жана жеке сектордун маалымдуулугун жогорулатуу аркылуу региондун экономикалык өнүгүүсүнө көмөктөшүү.
🤝 Жыйынга президенттин ыйгарым укуктуу өкүлү Тилек Текебаев, Бизнес жана инвестицияларды өнүктүрүү кеңешинин катчылыгынын жетекчиси Улук Кыдырбаев, ПРООНдун туруктуу өкүлү Александра Соловьёва жана башка мамлекеттик органдардын, эл аралык уюмдардын, бизнес-ассоциациялардын жана ишкердик коомчулуктун өкүлдөрү катышты.
📈 Тилек Текебаев регионалдык инвестициялык кеңештин ишмердүүлүгүн жогору баалап, ишкерлердин үнү угулуп, алардын көйгөйлөрү чечилип, сунуштары ишке ашырылганда гана чыныгы өнүгүү мүмкүн экенин белгиледи. Бул платформа бизнес үчүн ыңгайлуу шарттарды түзүү, жаңы жумуш орундарын ачуу жана жаштар үчүн мүмкүнчүлүктөрдү кеңейтүү боюнча маанилүү роль ойнойт.
🗂️ Улук Кыдырбаев РИКтин ишмердүүлүгүнүн маанилүүлүгүн баса белгилеп, бул платформада ишкерлер өз көйгөйлөрүн түздөн-түз белгилеп, мамлекеттик органдар жооп берип, чечимдер протоколго жазылып, анын аткарылышы катчылык тарабынан көзөмөлдөнөрүн айтты.
🌍 Александра Соловьёва РИКти көп тармактуу уникалдуу платформа катары мүнөздөп, ал жерде инвестицияларды тартуу, регионалдык жана жергиликтүү өнүгүү, калктын жыргалчылыгын жогорулатуу, өсүү чекиттерин кеңейтүү, бизнес жана ишкердикти өнүктүрүү боюнча маселелер талкууланып, биргелешкен чечимдер кабыл алынарын белгиледи.
💼 Нурбек Анарбекин ГЧП борборунун портфелинде 5 миллиард доллардан ашык инвестициялык долбоорлор бар экенин жана алардын 50дөн ашыгы активдүү ишке ашырылып жатканын, ал эми 40ка жакын демилге даярдык этаптарынан өтүп жатканын билдирди.