“Башҡорт аты” байрамына З. Биишева исемендәге “Китап” нәшриәте Урал аръяғы авторҙарының китабын килтерҙе. Мәҫәлән, ҡунаҡтар Баймаҡ районында тыуып үҫкән йәш балалар яҙыусыһы Тимур Рәхмәтуллиндың “Тылсым эйәләре”, Бөрйәндән Миләүшә Ҡаһарманованың “Бетерә шаршылары” повестар йыйынтығы, Баймаҡтан Таңсулпан Ғарипованың “Бөйрәкәй” роман-бестселлеры менән таныша ала. Әйткәндәй, “Бөйрәкәй” бүләккә лә әҙерләнгән: улары француз шарфы менән төрөлгән һәм ҡурай сәскәһе формаһындағы брошь беркетелгән. “Китап” бындай бүләктәрҙе күп килтергән. Шулай уҡ Мәхмүт Сәлимдең “Башҡорт аты-2024”-тә тәүгә күрһәтелгән “Башҡорт аты” китабын да бында күрергә мөмкин. Унда башҡорттарҙың ат йәнле халыҡ булыуҙары, ҡымыҙ етештереү, көнкүреш-йолалары сағылыш тапҡан. “Китап”тың һатырға килтергән күргәҙмәһендә төп урынды “Музы не молчат. Башкортостан. 2022-2025” тигән яңы сыҡҡан йыйынтыҡ алып тора. Унда рәссамдарҙың, шағирҙарҙың, композиторҙарҙың, фотографтарҙың махсус хәрби зонаға йәки гуманитар йөк алып барғанда тыу