Башҡортостан Хөкүмәте Премьер- министры Андрей Назаров социаль селтәрҙә хоккей һөйөүселәрҙе уйын ҡарарға саҡырған. “Салауат Юлаев” яңы миҙгелдә старт алды! Бөгөн яратҡан командабыҙ яңы КХЛ миҙгелен Нижегородск өлкәһенең “Торпедо” командаһына ҡаршы күсмә матч менән аса. Башҡортостандың йөҙәрләгән мең көйәрмәне бер нисә ай инде ошо мәлде көтөп йәшәй. Беҙҙең алда оҙайлы миҙгел – еңеүҙәр, еңелеүҙәр һәм, әлбиттә, сағыу уй-хистәр менән тулы миҙгел. Хоккей спорт ҡына түгел бит, ул – көслө дәрт һәм теләк тә! Мин хоккейҙы яратам. Ҡарарға ғына түгел, уйнарға ла тырышам. Шуға күрә үҙебеҙҙең көйәрмәндәрҙең борсолоуҙарын аңлайым һәм уртаҡлашам. Күптәр команданың киләсәге өсөн борсола, айырыуса финанс йәһәтенән. Менеджерҙар составы алдында етди һынауҙар тороуын таныйым. Шулай ҙа дөрөҫлөккә тура ҡарайыҡ, ауырлыҡтар һәр кемдең дә була, “Салауат” та иҫкәрмә түгел, уларҙы лайыҡлы үтте, хәҙер ҙә еңеп сығыр. Республика етәкселеге хәлде контролдә тота, һәм хәл итеү буйынса пландар ҙа бар. Паника өсөн сәбә