"Мин был юлды үҙем һайланым" “Башҡортостан геройҙары” кадрҙар программаһы финалисы “Башҡортостан" дәүләт телерадиокомпанияһы эфирында сығыш яһаны. Студияла хәрби хәрәкәттәр ветераны, Батырлыҡ ордены кавалеры һәм “Башҡортостан геройҙары” программаһында ҡатнашыусы Рәмил Мостафин булды. Республика Башлығы Радий Хәбиров Өфөлә махсус хәрби операция геройҙарына арналған ҙур мемориал барлыҡҡа киләсәген белдерҙе. Рәмил Мостафин “Яңылыҡтар. Интервью” программаһында ни өсөн һәләк булғандар тураһында иҫтә тотоу шул тиклем мөһим икәнен аңлата. Рәмил үҙенең теләге буйынса хәрби булыуын һәм ситтә ҡала алмауын һөйләне. “Мин бөтә аңлы ғүмерем буйына погондар йөрөтәм, мин был һөнәрҙе һайланым, — тип аңлата ул. – Һәм махсус хәрби операция биләмәһенә юлланғанда, минең дә ғүмерем өҙөлөүе һәм ауыр яраланыуым ихтималлығын яҡшы аңланым. Әммә мин был юлды һайланым. Фото: www.bashkortostan.ru