💬Toshkent davlat tibbiyot universiteti Yaponiyadagi "Expo 2025" butunjahon ko'rgazmasida
➡️Yaponiyaning Osaka shahrida "Expo 2025" butunjahon ko‘rgazmasi o'tkazilmoqda. Toshkent davlat tibbiyot universitetining Ilmiy ishlar va innovatsiyalar bo'yicha prorektori, professor Feruza Azizova boshchiligidagi universitet delegatsiyasi mazkur xalqaro tadbirda ishtirok etmoqda.
🔹Ko'rgazma davomida delegatsiya a'zolari "Hayotimiz uchun kelajak jamiyatini yaratish" (“Designing Future Society for Our Lives”) mavzusi doirasida tibbiyot va innovatsiyalarga oid tashkil etilgan xalqaro pavilionlarga tashrif buyurdilar. Unda sog‘liqni saqlash sohasida sun’iy intellekt qo‘llanilishi, biotexnologiyalar, regenerativ tibbiyot, robotlashtirilgan jarrohlik, gen terapiyasi kabi innovatsion ishlanmalar bilan yaqindan tanishdilar.
🔺"Expo 2025" butunjahon ko'rgazmasi maydonida yaratilgan xalqaro pavilonlar kelajak tibbiyotining yangi yo‘nalishlarini namoyish etib, global hamkorlik uchun keng imkoniyatlar yaratmoqda. Xususan, universitet delegatsiyasi Yaponiyaning Kansai Medical University vakillari bilan ikki oliygoh o‘rtasida o‘zaro hamkorlik yo‘lga qo'yish masalalariga bag'ishlangan bilan uchrashuvni o‘tkazdi.
🔺Uchrashuv davomida tomonlar professor-o‘qituvchilar va talabalar almashinuvi, qo‘shma ilmiy loyihalarni amalga oshirish, zamonaviy tibbiyot yo‘nalishida tajriba almashish masalalarini muhokama qildilar.
🔹Ma'lumot uchun: "Expo 2025" butunjahon ko'rgazmasi 2025-yil 13-apreldan 13-oktabrga qadar 184 kun davomida o‘tkazilmoqda. Unga 160 dan ortiq davlatlar va 25 xalqaro tashkilotlar qatnashmoqda. Mazkur tadbirga umumiy tashrif buyuruvchilar soni 28 milliondan oshgan.
✈️Toshkent davlat tibbiyot universiteti mazkur ishtirok orqali O‘zbekiston tibbiyot ta’limi va ilm-fanini xalqaro maydonga olib chiqish, zamonaviy innovatsiyalarni milliy tibbiyot tizimiga tatbiq etish borasida muhim qadamlardan birini qo‘ymoqda.
#ToshDavTU #EXPO2025 #ButunjahonKo'rgazmasi #Yaponiya #Osaka
✅Rasmiy sahifalarimiz:
Telegram | Facebook | Instagram | YouTube | X | LinkedIn
