Чолпон-Ата шаарында ОДКБ мамлекеттеринин КСЧСтин он алтынчы жыйыны өтүүдө. Жыйындын алкагында 2025-жылдагы ишмердүүлүктүн жыйынтыктары чыгарылып, 2026-жылга пландар талкууланды.
🌍 Чолпон-Ата шаарында 4-сентябрда Кыргызстандагы Өзгөчө кырдаалдар министри Бообек Ажикеевдин жетекчилиги астында Жамааттык коопсуздук келишими уюмуна (ЖККУ) мүчө мамлекеттердин Өзгөчө кырдаалдар боюнча координациялык кеңешинин он алтынчы жыйыны өттү.
🤝 Жыйынга ЖККУнун башкы катчысынын орун басары Валерий Семериков, Беларусиянын Өзгөчө кырдаалдар министри Вадим Синявский, Казакстандын Өзгөчө кырдаалдар министри Чингис Аринов, Россиянын жарандык коргонуу, өзгөчө кырдаалдар жана табигый кырсыктарды жоюу министри Александр Куренков жана Тажикстандын өкмөтүндөгү Өзгөчө кырдаалдар жана жарандык коргонуу комитетинин төрагасы Раджабали Рахмонали катышты.
🌐 Жыйында ЖККУнун эл аралык уюмдар менен кызматташтыгын кеңейтүү маселелери, өзгөчө кырдаалдарда жардам көрсөтүү үчүн алардын потенциалын пайдалануу, 2025-жылдагы ишмердүүлүктүн жыйынтыгы жана 2026-жылга карата биргелешкен иш-чаралардын планы талкууланды.
📅 Жыйындын күн тартибине 2026-жылы өткөрүлө турган «Скала-2026» атайын машыгуусуна даярдык көрүү маселелери, ЖККУнун мүчө мамлекеттеринин өзгөчө кырдаалдарга жооп кайтаруу тартиби боюнча биргелешкен машыгуу жана коопсуздук аймактарында гуманитардык жооп берүү борборлорунун тармагын түзүү маселелери киргизилди.
📈 Министр Бообек Ажикеев он бешинчи жыйында кабыл алынган чечимдердин аткарылышынын натыйжалуулугу тууралуу маалымат берди. Ал өз сөзүндө бул жолугушуу заманбап чакырыктарга биргелешип жооп берүү үчүн ЖККУнун мүчө мамлекеттеринин биримдигин жана даярдыгын көрсөтүп жатканын баса белгиледи.