Иген үҫтереү, илде икмәкле итеү кеүек ҙур яуаплылыҡ һалынған ауылдарыбыҙға. Ябай, тырыш, тынғыһыҙ ауыл кешеләре башҡара уны. Салауат районы хакимиәтенең ауыл хужалығы бүлеге баш агрономы Гүзәл Юлдашбаеваны баҫыуҙа эш мәлендә тап иттек. Ер эше, ауыл тормошо яҡын уның күңеленә, шуға ошондай һөнәрҙе һайлаған. – Үҙем Ҡарағол ауылынан. Атайым механизатор булып эшләне, маҡтаулы хеҙмәткәр булды һәр ваҡыт. Әсәйем дә колхозда хеҙмәт итте. Әле икеһе лә хаҡлы ялдалар. Район үҙәгендә бухгалтерҙар курсын тамамлағас, мин дә тыуған районымда төпләнеп ҡалдым, – тип һөйләп алып китте үҙе тураһында. Һуңынан Башҡортостан дәүләт аграр университетының агрономия факультетын тамамлай. Райондың баш агрнономы вазифаһында ул хәҙер бишенсе йыл эшләй. – Эшем бик оҡшай. Ауыл тормошон яратҡанға ла һөнәрем күңелемә яҡын. Үҙемдең шәхси йортом бар. Баҡса, сәскәләр үҫтерергә яратам. Беҙҙең яҡта тупраҡ әсе. Шуға ашламалар ҡулланып, йәшелсә-емеш үҫтергәндә төрлө алымдарҙы һынайым. Шулай ҙа химикаттар ҡулланырға тырышмайы