Бишкекте жол коопсуздук кызматкерлери автоунаа ээлеринин жарандык-укуктук жоопкерчилигин милдеттүү камсыздандыруу полистеринин бар-жогун текшерүүдө. Полиси жок айдоочулар айыпка жыгылып, кошумча протоколдор түзүлүүдө. Декабрда массалык текшерүүлөр башталат.
🚗 Бишкекте жол коопсуздугун камсыздоо башкармалыгы унаа ээлеринин жарандык-укуктук жоопкерчилигин милдеттүү камсыздандыруу полистерин текшерүүгө киришти.
👮♂️ Жол инспекторлору күнүмдүк текшерүүлөр жана рейддер учурунда айдоочулар менен түшүндүрүү иштерин жүргүзүүдө.
📄 Страховкасы жок айдоочуларга айып пул салынып, жоопкерчиликке тартылууда.
🚓 Жол эрежелерин бузган айдоочуларга протокол түзүлүп, унаа айып короодон чыгарылганда да полистин бар-жогу текшерилет.
📊 Учурда 4 миңден ашуун айдоочу камсыздандыруу полиси жок деп табылган.
📆 Масштабдуу рейддер декабрь айында башталат.