ՀՀ վարչապետ Նիկոլ Փաշինյանի որդին՝ Աշոտ Փաշինյանը, օրերս դիմել է Ազգային պատկերասրահի ղեկավարությանը՝ այնտեղ աշխատանքի տեղավորվելու համար, գրել է «Հրապարակ»-ը՝ հղում անելով իր աբյուրներին։
Ըստ թերթի՝ Աշոտը ցանկանում է պատկերասրահում զբոսավար աշխատել։
Լրատվականը հիշեցրել է, որ վարչապետի որդին նորահայտ նկարիչ է, որը երկու տարի առաջ առաջին ցուցահանդեսն էր կազմակերպել։
Բանակում ծառայությունից հետո նա ուսումը կիսատ էր թողել և գարեջուր վաճառելով էր զբաղվում։ Նա հիմնականում ապրում է ընտանիքից առանձին, վերջին շրջանում՝ Արարատի մարզի գյուղերից մեկում, պատմել է թերթը։
Ըստ լրատվականի՝ պատկերասրահում աշխատանքի դիմումով թերևս փորձում է հանրությանն ապացուցել, որ ինքն իր միջոցներով է ապրում, ոչ թե պետական բյուջեի հաշվին։
Նորություններին հետևեք մեր կայքում, ինչպես նաև Telegram-ում և YouTube-ում