Башҡортостандан бойҙай һәм арыш оно менән 12 тимер юл вагоны экспортҡа оҙатылды. Уны Азербайжан һәм Төркмәнстан һатып алған. Төбәктең агросәнәғәт комплексы продукцияһы сит илгә “Халыҡ-ара кооперация һәм экспорт” милли проекты (национального проект “Международная кооперация и экспорт”) маҡсаттарына ярашлы оҙатыла. Был хаҡта республиканың Ауыл хужалығы министрлығынан хәбәр иттеләр. 760 тоннанан ашыу ауырлыҡтағы партияны республиканың Дәүләкән һәм Баймаҡ райондары он тартыу предприятиелары әҙерләгән. Бөтә тауар өлгөләре кәрәкле лаборатория экспертизаһын үтте, тип билдәләнеләр Россельхознадзорҙың төбәк идаралығында. Идаралыҡ мәғлүмәттәре буйынса, экспертиза һөҙөмтәләре буйынса тауарҙа хәүефле карантин организмдары һәм ҡоротҡостар табылмаған. Экспорт тауары импортлаусы илдәрҙең фитосанитар хәүефһеҙлеге талаптарына тулыһынса тап килә. Уҙған йыл йомғаҡтары буйынса республикала он етештереү күләме 29 процентҡа артҡан. Йыл башынан алып Башҡортостанда агросәнәғәт комплексы продукцияһын экспортла