Чӳклеме ирттерме тытăннăранпа Теччӗ республикăра малта
Сентябрӗн 6-мӗшӗнче Теччӗ районӗнчи Кăнна Кушкинче йăлари Чӳклеме уявӗ иртрӗ. Çулталăкри культура планне район мероприятийӗ пек кӗртсен те статусӗ ун тахçанах регионсен шайӗнче. Хальхинче те И.Я. Яковлевăн çуралнă çӗршывне районти пултарулăх ушкăнӗсемпе пӗрлех Чăваш Енри Шăмăршă, Елчӗк, Комсомольски муниципаллă округсенчен, Ульяновск хулинчен, Пăва, Нурлат, Çарăмсан районӗсенчен тата Шупашкартан «Сувар», «Суварята» ташă ансамблӗсем килнӗччӗ.
