Москва жана Москва облусундагы чет элдик жумушчулар үчүн жаңы миграциялык каттоо тартиби киргизилет. 2025-жылдын 1-сентябрынан тартып кыргызстандыктар, өзбекстандыктар жана тажикстандыктар "Амина" мобилдик тиркемесин орнотушу керек.
🛂 Москва жана Москва облусунда иштеген чет элдик жарандар үчүн жаңы миграциялык эсепке алуу тартиби киргизилди.
📱 2025-жылдын 1-сентябрынан тартып, Кыргызстандын, Өзбекстандын жана Тажикстандын жарандары Москвага жана Подмосковье аймагына иштөө максатында келгенде, “Амина” мобилдик тиркемесин орнотуу милдеттүү болуп калды.
📍 “Амина” тиркемесинин негизги функциялары: көп функционалдуу миграциялык борбордун (ММЦ) дарегине каттоо, ички иштер органдарына жашаган жери тууралуу алыстан билдирүү, геолокация маалыматтарын Россиянын ИИМине автоматтык түрдө берүү.
🔄 Үч жумуш күнүнөн ашык геолокацияны берүү токтотулганда, жашаган даректи тастыктоо же өзгөртүү зарылдыгы тууралуу билдирүү келет.
📲 Чет элдик жарандар тиркемени өз алдынча орнотуп, активдештире алышат. Авторизация чет элдик жаран картасы же паспорттук маалыматтар аркылуу жүргүзүлөт.
⚠️ Кыргызстандын ИИМи Москвада жана Москва облусунда иштөөнү пландаштырган жарандарга жаңы эрежелер менен таанышып, Россия Федерациясынын миграциялык мыйзамдарын бузбоо үчүн аларды сактоону сунуштайт.