Президенттин тапшырмасы менен 744 миллион сом бөлүнүп, жаңы муундагы окуу китептери чыгарылууда. 1–2 жана 5–7-класстар жаңыланган программалар менен окушат. Үч жылдан кийин бардык окуучулар окуу китептери менен камсыз болот.
📚 Кыргызстанда билим берүү тармагында маанилүү кадамдар жасалууда. Президенттин тапшырмасы менен 744 миллион сом бөлүнүп, жаңы муундагы окуу китептеринин массалык чыгарылышы башталды.
📘 Биринчи жолу 1–2 жана 5–7-класстардын окуучулары үчүн толук окуу китептери түзүлүүдө. Бул класстар жаңы программалар жана мамлекеттик билим берүү стандарты боюнча билим алышат.
📈 Учурда 3–9-класстар үчүн англис тили боюнча окуу китептери чыгарылып, математика жана жаратылыш таануу сабактарынын китептери даярдалууда. Үч жылдын ичинде Кыргызстандын бардык окуучулары окуу китептери менен толук камсыз болушат.
🏫 Бул окуу китептери улуттук продукт болуп саналат жана “Окуу китеби” басмаканасында даярдалып, “Учкун” ААК басмаканасында басылып чыгат. Ар бир комплект окуу китеби, жумушчу дептер жана мугалимдер үчүн методикалык колдонмодон турат.
💻 Басылмалардын электрондук версиялары да даярдалып, ар бир балага материалдарга ыңгайлуу жетүү мүмкүнчүлүгү түзүлүүдө.