Шахтер һөнәре – донъяла иң хәүефлеләрҙән һанала. Шуға күрә был һөнәрҙе үҙ итеүселәр араһында осраҡлы килгән кешене осратыуы мөмкин түгел. Көслө рухлы, ҡыйыуҙар ғына ғүмерлеккә уға тоғро ҡала, ер ҡуйынында эшләй ала. Финғәт Байғужин сығышы менән Хәйбулла районының Юлбарыҫ ауылынан. Туғыҙынсы класты тамамлағас та һис бер икеләнеүһеҙ документарын Исмәғил Тасимов исемендәге Аҡъяр тау колледжына тапшыра. Хеҙмәт юлын “Башҡорт баҡыры” йәмғиәтендә тау эшсеһе булып башлай. Ер аҫтында эшләү өсөн физик яҡтан ныҡ булыу менән бер рәттән, сабырлы һәм сос булыу ҙа талап ителә. Финғәт Фәнил улы үҙен ышаныслы белгес итеп таныта һәм артабан уны яуаплы хеҙмәткә – шахта юлын нығытыусы шахтер итеп күсерәләр. Ер ҡуйынында тир түгеүселәргә эргәһендә бергә эшләгән иптәштеренең ышаныслы булыуы иң мөһим сифаттарҙың береһе. Сөнки шахта бәлә – ҡазаларҙан азат түгел. Бында тау ҡатламының емерелеүенән башҡа көтөлмәгән эйәрсән газдар килеп сығыу осраҡтары ла ихтимал. Шуға күрә ер өҫтөнән әллә күпме тәрәнлектә эшлә