Президент Садыр Жапаров Джалал-Абадда «Мурас Юнайтед» футбол клубунун жаңы машыгуу комплексин көрүп чыкты. Комплексте заманбап спорт жана окуу объекттери, машыгуу жана жашоо жайлары, бассейн, тренажер залы, көрүүчүлөр үчүн трибуна жана футбол талаасы бар.
⚽️ Кыргыз Республикасынын Президенти Садыр Жапаров Джалал-Абад облусуна болгон иш сапарынын алкагында «Мурас Юнайтед» футбол клубунун жаңы машыгуу комплексин көрүп чыкты.
🏟 Жаңы спорт комплекси заманбап спорттук жана окуу-тиричилик объектилерин камтыйт, бул спортчуларды даярдоо үчүн зарыл. Бул жерде машыгуу жана жашоо жайлары, кийим алмаштыруучу бөлмөлөр, бассейн, тренажер залы, көрүүчүлөр үчүн трибуна жана гибрид футбол талаасы бар.
🌱 Комплекс 2 гектар аянтты ээлейт жана жарык берүү системасы менен жабдылган, бул кечки машыгууларды жана оюндарды өткөрүүгө мүмкүндүк берет.
🤝 Президент комплекс шарттары менен таанышып, инфраструктураны көрүп чыгып, жаш футболчулар менен бирге талаага чыгып, гол киргизип, эстеликке биргелешкен сүрөткө түшүштү.