Ватан учун, миллат учун, халқ учун!
Ўзбекистон, она юртим, чаманим,
Бағри бутун жаннатмакон, шон-шаъним.
Аждодларим ҳавас қилган масканим,
Ҳақ йўлига сарф этганлар тан кучин,
Ватан учун, миллат учун, халқ учун!
Фарзандларинг оқил, доно, бахтлидир,
Номус, орли, ғурури бор, аҳдлидир,
Қучоғингда ризқ-рўз топган тахтлидир,
Юракларни байроқ қилмаслар нечун,
Ватан учун, миллат учун, халқ учун!
Қадди баланд боболарнинг руҳи ёр,
Қадамингда абад Тангри мададкор.
Ҳурлик тожи ярашгандир кўркли нор,
Дил туғёни қайнаб тошгандир бугун,
Ватан учун, миллат учун, халқ учун!
Мангу сўнмас ҳуррият чироғимиз,
Биз бир бўлсак хазон бўлмас боғимиз.
Юртбошим бор чиноримиз, тоғимиз,
Қалб қўрини садқа этар тун-у кун,
Ватан учун, миллат учун, халқ учун!
Бекназар Тошбоев,
Ўзбекистон Ёзувчилар уюшмаси аъзоси.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
