Дружина звѣздознавцев, изучаіѫчих даны, же быху собрани спектроглѧдным устроіем DESI, одкрыше доказы за теоріу, ктора говори, че таинствена тіемна енергіа, же ускори разбѣганіе Всіеміра, не іе неизмѣнноіѫ, але сѧ мѣни през времѧ. Нови даны кажѫт, же іествуіе возможны пробѣг претвореніа обыкновеннаго творива в тіемну енергіу, кторы твори иззов предным космологичным знаніам.
В срединѣ изъисканіа имаіе сѧ хипотеза космологическаго свѧза чърных дир, ктора говори, же чърни диры могѫт быти нѣкыми мѣхурами тіемноі енергіи: твориво звѣзд при колапсѣ в чърну диру чѧстично сѧ преврати в тіемну енергіи, что конечно има влив на развоі цѣлаго Всіеміра. Ова видеіа в първых скицах сѧ іавише полвѣка назад, але пѧт лѣт тому быше преработана и нынѣ іе достала значни поглѧдни подтвърдженіа хвала даным DESI.
Устроі DESI, же іе в Аризонѣ и имаіе пѧт тысѧч роботовых «очеі», всіаку четвъртину часа сѧ цѣли до новоі галактикы. Овы велікы проіект, же заіедніаіе вече неж девѧтсът научников по всѣму свѣту, іуж іе створил карту миліонов галакти, глѧдѫчи свѣт, же іе был изпущен, когда Всіемір быше двакрат по-млад. Разбор овых даных показаше, же гѫстості тіемноі енергіи іе привидно свѧзана с быстриноі звѣздотвореніа во Всіеміру, что приведоше позреніе творцов изъисканіа до хипотезы претвореніа творива.
Что боліе, новы взор предлагаіе рѣшеніе іеще іедноі загадкы. ⷬДонынѣ стандардни космологични взоры, кторы анализираху даны DESI на минулых десѧти миліардах лѣт, показоваху необъіаснимо менішеніе обыкновеннаго творива од времени Велікаго выбуха доднесі: то быше приводило даже до потрѣбности ввода нефизичных одрѣчных мас неутрин. Хипотеза о претвореніи баріоннаго творива в тіемну енергіи, напротив, елегантно объіасніаіе ово менішеніе и, что боліе, даіе можності изчислити кладну (позитивну) масу неутрина, что има согласіе с даными наземных експериментов.
Овы способ такоже даіе помочі в согласованіи различных значениі неизмѣнноі Хаббла, же опише быстрину разбѣганіа Всіеміра. Ибо обыкновенно твориво міедли разбѣганіе, а тіемна енергіи скори то - пробѣг претвореніа іеднаго до другаго мѣни равновѣсіе и даіе можності одъіѧти днешни недослѣдности. Такто, теоріа‐та преосмысліаіе природу тіемноі енергіи: то іуж не сѧ мысли како изначално своіство пустаго простора, але како изтвор сміерти звѣзд и родженіа чърных дир.
Творцы изъисканіа подчъркаіѫт, же ихніа работа іе важным кроком на пѫти провѣреніа смѣлоі теоріи: але дліа конечнаго подтвърдженіа или одрѣченіа трѣба имѣти додатны сбор даных и старанны и независны разбор. Але іуж днесі даны, же сѫ достани, одкрываіѫт нови неочакани можности разуменіа основных законов, же правѧт нашым Всіеміром.