IT-компанияларға онлайн- консультациялар алырға мөмкин

IT-компаниялар «Башҡортостандың электрон мәғарифы» порталында онлайн-консультация ала ала. "Башҡортостан Республикаһының электрон мәғарифы" порталында "Рәсәйҙә IT-секторға ярҙам саралары" бүлегендә Башҡортостандың Һанлы үҫеш министрлығы хеҙмәткәрҙәре менән чат тормошҡа ашырылды. Сервис «Мәғлүмәт иҡтисады» (национальный проект «Экономика данных») милли проекты маҡсаттарына ярашлы эшләнгән, тип хәбәр иттеләр республика Дәүләт идаралығының һанлы үҫеше министрлығынан. — IT-компаниялар өсөн ярҙам саралары төбәктә был тармаҡты үҫтереүҙең мөһим компоненттарының береһе булып тора. Был бүлектә эшҡыуарҙар үҙҙәрен ҡыҙыҡһындырған һорауҙарға яуап алып ҡына ҡалмай, Башҡортостанда ғәмәлдә булған льготалар, гранттар һәм башҡа ярҙам саралары тураһында ла белә ала.Эшләй башлағандан алып бүлеккә 4 меңдән ашыу ҡулланыусы ингән, тип билдәләне Башҡортостандың дәүләт идаралығының һанлы үҫеше министры Геннадий Разумикин. Һорауығыҙҙы порталдың уң аҫҡы мөйөшөндәге кире бәйләнеш виджетындағы «IT-секторға ярҙам саралары» бүлегендә бирә алаһығыҙ. Һорау ебәреү өсөн сайтҡа инергә кәрәк. Килгән һорауҙарҙы һанлы үҫеш министрлығы белгестәре киләһе эш көнөнән дә һуңға ҡалмай ҡарай; яуаптар порталдағы виджет тәҙрәһендәге чатҡа ебәрелә. Ярҙам саралары бүлегендә ИТ-компаниялар өсөн бик күп файҙалы мәғлүмәт һәм хеҙмәттәр бар: ИТ-компанияларҙың аккредитацияһы, Стартаптар реестры, льготалы ипотека, ИТ-кисектереү, төрлө күрһәтмәләр һәм файҙалы ресурстар. Яңыртылған милли проекттар Рәсәй Федерацияһы Президенты Владимир Путин ҡарары буйынса 2025 йылдан тормошҡа ашырыла.