Ат туризмы өлкәһендә хеҙмәттәшлек тураһында килешеү төҙөлдө

«Башҡорт аты» IV Халыҡ-ара башҡорт тоҡомло фестиваленең эшлекле программаһы сиктәрендә мөһим документҡа – Ат туризмы милли үҙәге менән Башҡортостандың йылҡысылыҡты үҫтереү ассоциацияһы араһында хеҙмәттәшлек тураһындағы килешеүгә ҡул ҡуйылды. Был документ төбәктә ат туризмын һәм йылҡысылыҡты үҫтереү өсөн яңы офоҡтар аса. Республиканың йылҡысылыҡты үҫтереү ассоциацияһы директоры Азат Фазлаев шулай уҡ берләшмәнең Башҡортостан Башлығы Радий Хәбиров ҡушыуы буйынса, фестивалдә ҡатнашыусыларҙың үтенесенә яуап итеп булдырылыуын билдәләне. "Беҙҙең берләшмәнең төп бурыстары – ат спортын үҫтереү һәм башҡорт тоҡомон популярлаштырыу. Халыҡ-ара баҙарға сығыу маҡсатында төрлө ведомстволар, эшҡыуарҙар менән үҙ-ара эш итәбеҙ", - тип һыҙыҡ өҫтөнә алды Фазлаев.