Токмок шаарында мотоцикл айдоочусу баланы сүзүп кетип каза болушуна алып келген жол кырсыгы катталды. Айдоочу кармалып, кылмыш иши козголду. Тергөө иштери уланууда.
🚨 Токмок шаарында бала каза болгон жол кырсыгынын айдоочусу кармалды.
📍 2025-жылдын 7-сентябрында Токмок шаарында кечки саат 23:30 чамасында жол кырсыгы катталып, анын натыйжасында жаш бала каза болду.
🏍️ Айдоочу Ф.Т. мотоцикл менен бара жатып, жөө жүргүнчүлөрдү сүзүп кеткен. Кырсыктан бала ошол жерде каза болуп, анын энеси С.Ф. оор жаракат алып, шаардык ооруканага жеткирилген.
⚖️ Бул окуя боюнча 8-сентябрда КРнын Кылмыш-жаза кодексинин 312-беренеси (“Автомототранспорт каражаттарын башкаруу жана эксплуатациялоо эрежелерин бузуу”) боюнча кылмыш иши козголду. Айдоочу Ф.Т. убактылуу кармоо изоляторуна киргизилди.
🕵️ Учурда тергөө иштери улантылып жатат жана анын жыйынтыгы боюнча мыйзам чегинде чечим кабыл алынат.