ВИДЕОФАКТ Сылгылары арыыга отордото туораталлар Бу күннэргэ Хаҥаласка "Бөртө" сылгы собуотун сылгыларын Тойон Арыы быйаҥ ходуһаларыгар отордото киллэрии бара турар. Сылгыһыттар барахсаттар сыспай сиэллээхтэрин алаастартан, үрэхтэртэн хомуйан мунньан түбүктэрэ үксээтэ. Бу туһунан биһиэхэ, үгэс быһыытынан, хаһаайыстыба биригэдьиир-зоотехнига Ульяна Семенова иһитиннэрдэ уонна видео ыытта. - Сылгылары испэсэлиис Владимир Аммосов салайыытынан отордото Эбэни туораталлар. Сорох атыырдар үөрүйэхтэринэн бэйэлэрэ харбаабыттара, убаһалар, эдэр сылгылар айманаллар. Сылгыһыттарбыт мотуордаах оҥочонон арыаллыыллар, олору салайан биэрэллэр. Хата, халлааммыт туран биэрдэ. Бу түһэриилэрбитигэр улахан бөлөҕү туоратыы көстөр, - диэн кэпсээтэ Ульяна Степановна. Сылгылары харбатан туоратыы сырыы ахсын хатыламмат хартыына. Онтон үлэ дьонугар эппиэттээх түбүк. Людмила Аммосова. @Новости газеты «Хангалас» В этом посте есть большое видео, которое не загрузилось в Дзен. Откройте оригинал по