Нефтекама ҡалаһында капиталь ремонттан һуң ике мәктәп асылған

Башҡортостандың Нефтекама ҡалаһында "Йәштәр һәм балалар" (национальный проект “Молодежь и дети”) милли проекты сиктәрендә 11-се һәм 15-се мәктәптәр төҙөкләндерелде. Был турала ҡала хакимиәте хәбәр итә. Белем усаҡтарын төҙөкләндереүҙе 2024 йылдың апрелендә башлағандар, ошо ваҡыт эсендә ҙур эш атҡарылған. Белгестәр биналарҙы, инженерлыҡ системаларын, фасадты яңыртҡан, түбәһен алмаштырған. Мәғариф учреждениелары заманса ҡорамалдар һәм йыһаздар алған. "Бөтә этаптарҙа ла капиталь ремонт ҡәтғи контроль аҫтында үтте. Күмәкләп бөтә ауырлыҡтарҙы еңеп сыҡтыҡ. Хәҙер был уҡыу өсөн идеаль шарттар булған заманса мәктәптәр", - ти Нефтекама хакимиәте башлығы Эльдар Вәлидов. Илебеҙ халҡының өстән бер өлөшөнә ҡағыласаҡ “Йәштәр һәм балалар” милли проекты(нацпроект “Молодежь и дети”) йәш быуынға үҙенең эске мөмкинлектәрең бойомға ашырыу өсөн шарттар тыуҙырыуға арналған. Мәктәптәр төҙөү һәм ремонтлау, педагогия университеттарын яңыртыу, белем биреү- производство үҙәктәрен һәм профессиональ әҙерлек кластерҙарын, инженер мәктәптәрен, донъя кимәлендәге кампустар селтәрен формалаштырыу – уның төп маҡсаты. Йәш быуында илһөйәрлек, яуаплылыҡ, әхләҡи ҡиммәттәр тәрбиәләүгә айырыуса ҙур иғтибар биреләсәк. Проект 14 йәштән 35 йәшкә тиклемге йәштәрҙең һәләттәрен үҫтереү өсөн мөмкинлектәр тыуҙырыуҙы күҙ уңында тота. Яңы милли проект былтыр тамамланған “Мәғариф” проектының логик дауамы булыуҙан тыш, йәштәр сәйәсәтендә өр-яңы аҙым яһаясаҡ. Иҫегеҙгә төшөрәбеҙ, яңыртылған милли проекттар Рәсәй Президенты Владимир Путин ҡарары буйынса 2025 йылдың 1 ғинуарынан тормошҡа ашырыла. Фото: Нефтекама хакимиәте сайтынан